<?xml version="1.0" encoding="UTF-8"?><song><lyrics>[V1]
 Бейик Худай гөге
 дирәп депесин,
 Сынлап отыр
 адамзадың гүнәсин,
 Гүнә сиңен
 йүреклериң хапасын,
 Гечмек үчин
 гарашяндыр өйкесиз.

[V2]
 Дүнйәниң гүнәсин
 гөрүп гөз билен,
 Гүнә шәрик болман
 бүтин ил билен,
 Гүнәден, довзахдан
 гутулмак үчин,
 Худайымыз Иса
 Еке-тәк ёлдыр!

[V3]
 Гүнәни адамдан ёк
 этмек үчин,
 Парахатлык бөвединде
 дурян Сен,
 Атамың ёлунда
 яшан халкларың,
 Эбеди гелҗеге алып
 барян Сен!

[V4]
 Дүнйәң йүзи гүнәден
 долыдыр хәли,
 Сапалы дурмуша
 гадам басалы,
 Шөхратлы Худайым
 гөкден геленде,
 Хузурында чирксиз
 гайрат тапалы.

[V5]
 Каксаңыз гапыны
 ачылар сизе,
 Йүрекден дилесеңиз
 берлер сизе,
 Бакы Патышалыгына
 етирмек үчин,
 Реббим сабырлыдыр
 гарашар бизе.

[V6]
 Худайы гөзлесеңиз,
 тапарсыз Оны,
 Йүрекде саклап язың
 сиз муны,
 Реббим чыкарар
 гараңкыдан сизи,
 Реббим гөзүнден
 сыпдырмаз бизи.

[V7]
 Исага сыгының
 җаны-тен билен,
 Иса гуҗак ачар гүлер
 йүз билен,
 Реббим халас эдер
 ики эл билен,
 Реббим яшап галар
 эбеди сиз билен.

[V8]
 Худайың ислегине гөрә
 яшасаң эгер,
 Дурмушың парахатлы
 үйтгешик болар,
 Узак өмүрлер билен
 максат-муратда,
 Мүбәрек Худайымызы
 патасы болар.

[V9]
 Гөклерде чүйремез
 байлыклар йыгнаң,
 Ерде вагтлайын
 сылагыңыз билен,
 Гөклерде гөрүнмез
 Ватанымыз үчин,
 Чакылыгына мынасып
 гуллук эделиң.

[V10]
 Исаны алкышлаң
 айдым-саз билен,
 Исаны гаршылаң
 улы той билен,
 Илим гаршыласын
 дессе гүл билен,
 Шөхраты бейгелсин
 бейик халк билен.</lyrics>
<title>Иса Еке-тәк ёлдыр! N88</title>
<hymn_number>88</hymn_number>
</song>